[MANJAK] LES QUINZE POINTS DE LA REFORME CONSTITUTIONNELLE

1.    Pëyecës unaţar ipañ pëlutik ţi uyaar demokërasi ;

2.    Pëwëţ baŋ bofaţ biki di ipañ pëlutik, bë yaar iyeen bukal ţi pëdata paŋ cipi ba këci ;

3.    Pëyanpan kaţuţ mëŋ siin ideer,na pëţënk yul pëyakarum,kawëŋ banaţan bëjuk bëweek bi kaŋţënk bi mëŋ siin ideer ngë caak bëliing ;

4.    Pëniiran ba buk ucaak ifa iwalu ţi : kafa pëci ţi dëko ucaak daŋ cënţëdi,kafa pëka mëŋ bosu na bëka baŋ cibi di mul ;

5.    Pëwaţës pëyëki abuk ucaak,ţi pëwëlul ifawul yi nakayi ţi ucaak bëliing ;

6.    Pëkakani ujoonar nasiin ucaak ţi pëţori ţi ngë waanu kañan ;

7.    Pëwaţës ipañ pëlutik ibofaţ yi di pësiin ifa yi ikayi ţi ucaak na yi barum yul kayi ;

8.    Pëwël ba buk ucaak baŋ cibiki di mboos mëŋţoŋ,baţorar bukal di karum ngë dipite ;

9.    Pëpe pëlincan pënaţ karum ngë dipite ţi pëteen uleemp pësiin na uyaar uwiin pul ţi ucaak ;

10.    Pëyepar uwejaţ kato ngë ley kaweek uwiin kul ţi ngë ley ucaak nga ţuwa ngi ţina nga duka kanaţana ;

11.    Pëwaţës baleemp di kato ngë ley kaweek,pëpënanţi bañaan kañan pëkakan bañaan paaj na ñaan ;

12.    Naweek karum ngë dipite pëdaţ bañaan baţëb ţi bañaan paaj na ñaan baleemp di kato kaweek ngë ley ;

13.    Pëwaţës pënaţ kato ngë ley kaweek, akë yiilan pëwël uwiin kul ţi uyaar uleemp kato pëwal pëleenţ ;

14.    Pëbof ngë ley nga naţan ngi mëŋ siin ideer ngë caak,na ngë ley baŋţorar biki nasiin di ideer ngë caak ;

15.    Pëdi kamobara ngë ley icàp pëboos,ngi iga nasiin- baţi ţi ucaak,na pëteenëmën pëţawus pëboos, pëniiran pësiin demokërasi, na pi ideer ngë caak, uyaar pëdaţ nasiin ucaak,ujoonarul ţi pëţori pësiin,na ngë yaas ngi nakangi pëñaan pëdaţa pësiin ucaak.

Bëliing ngë ja yii ţingë unu 20 ţi pëli bëyaay ţi ngë waanu 2016